Х.Ерғалиев ауылында да 1 маусым - Балаларды қорғау күні атаусыз қалмады. Мерекеге орай «Бар мейіріміміз – балаларға» тақырыбында мерекелік шара Р.Ғабдиев атындағы саябақта өтті.

Онда округке қарасты екі орта мектеп пен екі балабақшаның бүлдіршіндері ән мен күйден шашу шашып, айтыс жанры бойынша да өнерлерін ортаға салды. Халықаралық балалар күні әлемнің түкпір-түкпіріндегі балаларға қуаныш сыйлайтын мейрам ғана емес, олардың құқығын қорғап, қамқор болуға үндейтін мереке екені белгілі. Осы орайда «Капитал» ЖШС директоры Қ.Айбатыров мүмкіндігі шектеулі балаларға тегін сыйлықтар таратса, ал ауыл тұрғыны Б.Утенов тәтті сусындар мен балмұздақтар таратып, бүлдіршіндердің көңілдерін бір көтеріп тастады.

Анаргүл ҚҰСАЙЫНОВА