Аудан әкімі М.Мурзиевтің 22 тамыздағы өкімімен Құрманғали Асқар Құрманғалиұлы аудан әкімінің орынбасары болып тағайындалды.

А.Қ.Құрманғали 1984 жылғы 2 қаңтарда Атырау қаласында дүниеге келген. Білімі - жоғары, 2005 жылы Х.Досмұхамедов атындағы Атырау мемлекеттік университетін Кеден ісі мамандығы бойынша бітірген.

Еңбек жолын 2007 жылы облыс әкімі аппаратының «Батыс-Ескене» кен орнындағы мекемелермен байланыс жөніндегі бөлімінің бас маманы болып бастаған. 2009 - 2012 жылдары Қазақстан Республикасы Қаржы министрлігі Қаржы мониторингі комитетінің терроризмді қаржыландыруға қарсы іс-қимыл жөніндегі басқармасының сарапшысы, F4 басқармасының сарапшысы, бас сарапшысы, F3 басқармасының бас сарапшысы қызметтерін атқарды.

2012-2014 жылдары облыс әкімі аппаратының ішкі бақылау, мемлекеттік қызметтер және ақпараттық технологиялар бөлімінің ішкі бақылау жұмыстары жөніндегі бас инспекторы, баспасөз қызметі бөлімінің бас маманы болды. 2014-2016 жылдары Атырау облысының Тексеру комиссиясы Әкімшілік бөлімінің ішкі бақылау бойынша бас маманы, №1 бюджеттерді және мемлекеттік активтерін бақылау бөлімінің басшысы қызметтерін атқарды. 2016-2017 жылдары Атырау облысы бойынша Тексеру комиссиясы №1 мемлекеттік аудит бөлімінің басшысы-мемлекеттік аудитор, аппарат басшысы болды. Жаңа қызметіне тағайындалғанға дейін, 2017 жылдың тамыз айынан Исатай ауданы әкімі аппаратының басшысы қызметін атқарып келді.