Аудан әкімдігінде аудандық экономика және қаржы бөлімі, Исатай ауданы бойынша мемлекеттік кірістер басқармасы, қазынашылық басқармасының бірлесіп ұйымдастыруымен дербес бөлім басшылары, мектеп директорлары, ведомстволық және бағыныстағы мекеме есепшілері қатысқан жиын өтті.

Онда күн тәртібінде 2017 жылдың қорытындысы бойынша бюджеттің жасақталуы, жоспарлануы, атқарылуы, жетістіктері, кемшіліктері туралы мәселе қаралды.

Жиында аудандық экономика және қаржы бөлімінің басшысы А.Сапаева, аудандық кірістер басқармасының сектор меңгерушісі Г.Ғұбашева, аудандық қазынашылық басқармасының басшысы Т.Суханберлин сөз сөйлеп, бюджет қаржыларын уақытында сапалы игеріп, үнемдеп жұмсау, жоспарға өзгерістер енгізу, бюджеттік өтінімді дер кезінде жасақтау, коммуналдық меншік нысандарын құжаттандыру, жылдық есептілікті күні бұрын ұсыну, салық түсімдерін есепсіз, артық аударып, дебиторлық алажақ құрау бойынша, «Қазынашылық-клиент» акционерлік қоғамы арқылы төлемдерді салу кезінде жіберілетін қателіктерді болдырмау туралы ой пікірлерін ортаға салды.

Аяпберген САЛИХОВ