шаблоны сайт визитка joomla
Скачать шаблоны Joomla 3.5 бесплатно
Теміржол арқылы қатынау жеңілдеді

Теміржол арқылы қатынау жеңілдеді

Өткен апта айшықты оқиғаларға толы болды. Ауданымызда бірнеше нысандар пайдалануға беріліп, халықтың несібесі үшін қолға алынған құрылыстар ел игілігіне берілді.

Атап айтқанда, көптен күткен Аққыстау ауылындағы теміржол арқылы халықтың еркін жүріп-тұруына арналған көпір құрылысы бітіп, лентасы қиылды. Қауіпсіздік шаралары бо-йынша теміржолды қиып өтуге тұрғындарға қатаң тыйым салынғанын бәрі біледі. Десе де, Аққыстаудан Өркен ауылына айналма жолмен бару жаяу адамға қашықтау болғандықтан жаяу тұрғындар, әсіресе балалар салынған тыйымға қарамастан теміржол арқылы өтіп жүрген еді.

Ерсілі-қарсылы жолаушы және жүк пойыздары жиі қатынап жүретіндіктен, талай рет жиылыстарда мәселе болып көтеріліп жүрген осы шаруаға нүкте қойылды. Жоба бойынша құрылысы 2017 жылдың маусым айында басталып, барлығы 125 миллион 811 мың теңгеге салынған аталмыш көпірдің ашылу шарасына аудан әкімінің орынбасары Е.Әбілқасымов пен кәсіпорын-мекеме басшылары және ауыл тұрғындары қатысты. Нысанның бас мердігері «Ерасыл құрылыс КZ» ЖШС директорының орынбасары М.Оспанов пен ауыл ақсақалы С.Шайхиев жаңа көпірдің лентасын қиып, құттықтау лебізін білдірді.

ӨЗ ТІЛШІМІЗ

Суретті түсірген Әбілмажан ШАРАПИДЕНОВ

Меншік иесі: «Атырау-Ақпарат» ЖШС

Қазақстан Республикасының Ақпарат және коммуникациялар министрлiгiнде 2018 жылы 16 мамырда тіркеліп, №17102-г куәлік берілген.

Редакцияның мекенжайы: Исатай ауданы, Аққыстау ауылы, Егемен Қазақстан көшесі, 12-үй.

Байланыс телефондары: 8 (71 231) 2-01-68, 2-01-52, факс 2-01-68.

Электронды пошта: naryn_tany2009@mail.ru