bannerqaz

Атырауда Исатай-Махамбет алаңы салтанатты түрде ашылды

Атырауда қайта жаңғыртылған Исатай-Махамбет алаңы салтанатты түрде ашылды, - деп хабарлайды Атырау облысының Өңірлік коммуникациялар қызметі.

Алаңның 50 мың шаршы метрі түбегейлі жаңартылған. Атап айтсақ, жаңа гранит тақтайшасының үстіне субұрқақ жүйесімен жабдықталған бірнеше сәулет композициясы орнатылды. Сонымен қатар, алаңның орта тұсындағы субұрқақпен жабдықталған көпбұрышты бассейін іргетасының ортасына орнатылған мәрмәр домбыра да ерекше көзге түседі. Биіктігі үш метрге жуықтайтын бұл домбыра Махамбет бабамыздың шығармашылығына тағзым ретінде қойылған екен. Ал, мұндағы тынығуға арналған сәндік шатырлар ұлттық нақышта әрленген. Бұдан бөлек, барлық ағаштар мен гүлзарлар қайта егіліп, оларды автоматты түрде суару құрылғылары жүргізілген. Алаң аумағы түгелдей жарықдиодты жарықшамдармен және энергия үнемдеуіш лампалармен жарықтандырылған. Бастысы - Исатай мен Махамбет ескерткіштері толықтай түзетілді.

5f43

Тұрғындардың айтуынша, алаң жаңа кейіпте көпшілікке ұнап жатыр.

bde5f60

- Өте қуаныштымыз! Бұл күнді көптен күтіп, бүгін отбасымызбен бірге келдік. Әсіресе мұндағы әр түрлі субұрқақтар қуантты. Бірі әуенді енді бірі ыстық күні қоңыр салқын береді. Алаң жаңарған, - деді атыраулық тұрғын Нұрлан Әлімбай.

Айта кетейік, алаңның ашылуына 10 мыңға жуық атыраулық жиналды.

Атырау облысының Өңірлік

коммуникациялар қызметі

Сурет:ӨКҚ

Бейнебаян жаңалығы

Күнтізбе

қыркүйек 2019
ПВСЧПСВ
1
2345678
9101112131415
16171819202122
23242526272829
30

Жарнама

ads_sidebar-min

bannerqaz