bannerqaz

Француз саяхатшысы ауданға аялдады

Кеше әлемдік сән үлгісінің астанасы Париж қаласынан көне Бейжіңге велосипедпен барып келе жатқан Рида Ер-Рихани есімді саяхатшы Исатай ауданының орталығы Аққыстауға жетті.

Қонақты аудан әкімінің орынбасары Болатбек Сисатов, Аққыстау ауылдық округінің әкімі Ғаділ Боранбаев қарсы алып, қазақы дәстүрге сай дастарханнан дәм татырып, шығарып салды. Жалғыз өзі жарты әлемді шайтанарбамен аралауға бел буған 22 жасар Франция азаматы осы күнге дейін 8 мың шақырымды артта қалдырған. Барған жолын есептемегеннің өзінде кері қайтарында Бейжің қаласынан шыққан соң Моңғолия еліне өтіп, одан Үрімшіге келіп, одан әрі Қырғызстанға, сосын Алматы қаласына табан тіреп, Арал, Ақтөбе, Орал арқылы Атырауға келіп, енді Ресей еліне кетіп бара жатқан бойы екен. "Астраханға өткесін Волгоград, одан Воронеж қаласына барам, сөйтіп Украинаға өтем де, Австрия, Венгрия, Словакия, Германия арқылы өз еліме жету жоспарым бар" деді бізге. Шаң, тозаң, жел, жауынға қарамастан сағатына 30 шақырым жылдамдықтағы велосипедпен бірнеше мың шақырымдық жолға жалғыз өзі шыққан ол өзіне саяхаттау ұнайтынын айтты. Еліме барған соң жүріп өткен елдер шекарасы бойынша ең ұзақ әрі ең алыс ел Қазақстан туралы достарыма, отбасыма айтып, көрген-білгенімді әлеуметтік желіге жүктеймін деді.

Бейнебаян жаңалығы

Күнтізбе

қазан 2019
ПВСЧПСВ
123456
78910111213
14151617181920
21222324252627
28293031

Жарнама

ads_sidebar-min

bannerqaz