bannerqaz

Ұлттық құндылықтар ұлықталды

Мереке күні Забурын ауылдық клубында алтын және күміс алқалы аналардың, инабатты келіндердің қатысуымен «Аналар - асыл жандар,шуақ боп шашылғандар» атты кең форматты мəдени шара ұйымдастырылды.

Шараны Забурын ауылдық округінің бас маманы Әлия Мардашқызы құттықтау сөзімен ашып, аудан əкімнің Алғыс хатымен Назгүл Қабделқызын, ауыл əкімінің Алғыс хатымен Майра Құрасованы, Қарлығаш Махимованы, Қадиша Құсайынованы марапаттады.

Мәдени кешке арнайы шақырылған Жамиған əже Гүлдана келінімен, Роза əже Гүлсара келінімен,Айғаным əже Бұлбұл келінімен,Жаннат əже Құралай келінімен қатысып, отбасыларын таныстырып, ұршық иіру, орамал тағу, мақалды жалғастыру, ұлттық тағам дайындау сынды бөлімдер бойынша өз білгендерін жиналған қауымға паш етті.

Мұндай тағылымды кешті ұйымдастыра отырып, өскелең ұрпаққа отбасы құндылығын, рухани тəрбиені, ұлттық сананы дəріптеудегі мақсатына жеткен ауылдық клуб пен оның меңгерушісі Алмаз Нұрпейісқызы қатысушыларға алғыс білдіріп, сый-сыяпаттарын табыс етті.

ӨЗ ТІЛШІМІЗ

Бейнебаян жаңалығы

Күнтізбе

қыркүйек 2019
ПВСЧПСВ
1
2345678
9101112131415
16171819202122
23242526272829
30

Жарнама

ads_sidebar-min

bannerqaz