bannerqaz

Дана республикадан екінші орын мен халықаралық жарыс жолдамасын жеңіп алды

Бүгін аққыстаулық жас әнші Дана Мәжитова Алматы қаласында өткен «Amanat music» ІІ Халықаралық конкурс-фестивалінің республикалық 2-кезеңінде өнер көрсетті.

Алматы төрінде нағыз өнер майталмандарын өз талантымен мойындатқан Дана қызымыздың бұл жолы да қанжығасы майланды. Еліміздің әр аймағынан келген 9 үміткердің ішінен ерекше өнерімен көзге түскен ол екінші орынды еншілеп, конкурс-фестивальдің ақтық сыны - халықаралық кезеңге берілетін жолдаманы жеңіп алды. Бұл жайлы біз Дана Мәжитованың ұстазы Альбина Мидардан телефон арқылы білдік.

d

- Негізінен жарыс ережесіне сай Дана сынға түсетін вокал жанры бойынша үміткерлер кеше өнер көрсетті. Оған үлгермеуіміздің себебі бар. Арыстағы оқиғаға катысты пойызымыздың уақыты өзгеріске ұшырап, басында не істерімізді білмей қатты қобалжыдық, - дейді Альбина. – Ұйымдастырушыларға жағдайды телефон арқылы жеткізгенімізде жоба авторы Сәуле Жанпейісова апайымыз Дананы өз тобына үлгермесе де, келесі күні сахнаға шығаруға болатынын айтты. Жалпы вокалдан үлкен топта 9 үміткер бақ сынады. Соның арасынан екінші орын - еншімізде. Қуаныштымыз, - дейді жас әншінің жетекшісі.

Өнер сайысының ақтық кезеңі Нұр-Сұлтан қаласында 1-4-қараша күндері өтеді.

Серікбол БЕРІКБАЙ

Бейнебаян жаңалығы

Күнтізбе

тамыз 2019
ПВСЧПСВ
1234
567891011
12131415161718
19202122232425
262728293031

Жарнама

ads_sidebar-min

bannerqaz