30 қараша - 1 желтоқсан күндері Атырау қаласында «Art Raindow» халықаралық өнер бірлестігінің ұйымдастыруымен «Ақ сұңқар» халықаралық балалар және жасөспірімдер шығармашылығының бесінші фестивалі өтті.

Оған Исатай ауданынан Новобогат балалар саз мектебінің өнерлі оқушылары қатысқан болатын.

Әртүрлі аспаптан өнер көрсеткен сайыста домбырашылар арасынан Айнұр Муфтоллаева - I орын, Сәттібек Иван – II орын (ұстазы Мәншүк Багитова), Ардақ Болат - I орын (ұстазы Мейрамгүл Наурызова), Аружан Хаби мен Нұрдәулет Марат III орынды (ұстазы Жеңісгүл Алипова) еншілеп, ауыл мерейін асырса, қобыз аспабы бойынша Айкөркем Айдынғали, Ақжарқын Кенжебайқызы, Айсәуле Қуанышбековалар (ұстазы Гаухар Исакулова) жүлделі I орынды жеңіп алды. Бали аспабында шебер ойнаған Айгерім Муфтоллаева (ұстазы Айнұр Тұхпатова) II орынды қанағат тұтса, дәстүрлі ән жанры бойынша Тахмина Шаймардан II орын, Әсем Мэлсқызы III орын (ұстазы Айнагүл Базарова) алып қуантты.

Жас өнерпаздарымызды жеңістерімен құттықтаймыз!

Анаргүл ҚҰСАЙЫНОВА