Миялы ауылында Жеңістің 75 жылдығына арналған бокстан жасөспірімдер арасында облыстық турнир өтті.

Турнирде 2006-2007, 2008-2009 жылы туған жасөспірімдер бақ сынасты. Бұл жарыста ауданымыздың жас былғары қолғап шеберлері де сынға түскен болатын.

- Аталған бәсекеде Исатай балалар-жасөспірімдер спорт мектебінің шәкірттері жақсы өнер көрсетті. Нәтижелер де жоқ емес. Мәселен, Рашид Нұрәлем, Ербол Мейірлан мен Қарасай Аянбек өз салмақтары бойынша үшінші орындарды қанағат тұтса, Нұрсәт Мәжитов пен Насиболат Нұрдаулет 2 орындарды еншіледі. Ал, топ жарған Әли Әміржанұлы қарсылас шақ келтірмей 1орынды жеңіп алды, - дейді Исатай БЖСМ бокс бөлімінің жаттықтырушысы Аманғали Өтегенов.

Серікбол ПАНАБЕРДИЕВ