Маусым айының 13-17-сі күндері аралығында Маңғыстау облысы, Ақтау қаласында қазақ күресінен 2004-2005, 2006-2007 жылы туған жасөспірімдер арасында Қазақстан Республикасының еңбек сіңірген жаттықтырушысы Бисенқұлы Темірxанды еске алуға арналған 1-республикалық ашық турнир өтті.

Аталмыш жарысқа Ақтөбе, Батыс Қазақстан, Қызылорда, Атырау облыстары, Нұр-Сұлтан, Шымкент қалалары және Маңғыстау облысының барлық аудандары қатысып, 400-ге жуық палуан бақтарын сынады. Бұл жарыста Исатай балалар-жасөспірімдер спорт мектебінің шакірттері де сынға түсіп, үлкен нәтижеге қол жеткізді. Атап айтар болсақ, Аманқос Ұзақбаев (55 келіде), Абзал Айбек (32 келіде), Дамир Серікболатұлы (46 келіде), Олжас Сапаргали (60 келіде) 3-орындарды иеленді. Ал, Қадыржан Мұxаммедали (32 келіде) 2-орынға қол жеткізсе, Уалижан Арсен (55 келіде) жарыс жеңімпазы атанды.

Спортшылардың жаттықтырушылары - Үмбет Мұсағалиев, Азамат Лесов, Даулет Қадыржан.

Жалпы жарыс қорытындысы бойынша Исатай БЖСМ командасы командалық есепте 3-орынды иеленді. Бұл құрамамыз үшін - үлкен жетістік.

Серікбол ПАНАБЕРДИЕВ