Балалар – қоғамның ең қорғансыз әрі ең қымбат бөлігі. Олардың қауіпсіздігін қамтамасыз ету тек ата-ананың ғана емес, мектептің, қоғамның және мемлекеттің ортақ міндеті деп есептеймін. Әрбір бала өзін қауіпсіз ортада сезініп, білім алып, еркін дамуға мүмкіндік алуы керек.
Қазіргі кезде бала қауіпсіздігіне түрлі қауіптер әсер етуі мүмкін. Олардың қатарында жолдағы қауіпсіздік, интернеттегі қауіптер, бейтаныс адамдармен қарым-қатынас, буллинг және қараусыздық мәселелері бар. Сондықтан балаларға қауіпсіздік ережелерін түсіндіріп қана қоймай, қиын жағдайда дұрыс шешім қабылдауды да үйрету маңызды.
Ата-ана баламен ашық сөйлесіп, оның мәселесін тыңдай білуі қажет. Бала қандай жағдай болса да көмек сұрауға ұялмауы керек екенін түсінуі тиіс. Ал мектепте мұғалімдер мен мамандар баланың көңіл күйіне назар аударып, оның өзін қауіпсіз сезінуіне жағдай жасауы қажет.
Менің ойымша, бала қауіпсіздігіне немқұрайлы қарау – үлкен қателік. Баланы қорғау үшін алдын алу шаралары тұрақты жүргізілуі керек. Қауіпсіз орта қалыптастырсақ, балалардың болашағына да сенімді негіз жасаймыз.
Сондықтан әрбір ересек адам баланың қауіпсіздігіне жауапкершілікпен қарап, оның құқығы мен қадір-қасиетін құрметтеуі қажет. Баланы қорғау – болашақты қорғау.
Ж.СЕМБИЕВА
