Қазіргі таңда есірткі мәселесі – бүкіл әлемді алаңдатып отырған өзекті проблемалардың бірі. Оның зияны тек жеке адамға ғана емес, тұтас қоғамға, ұлттың болашағына қауіп төндіреді. Сондықтан есірткіге қарсы күрестің ең тиімді жолы – оның алдын алу болып табылады.
Есірткі – адамның денсаулығын бұзатын, психикасына кері әсер ететін, тәуелділікке алып келетін қауіпті зат. Оны қолдану адамды өмірден түңілдіріп қана қоймай, қылмысқа, зорлық-зомбылыққа, отбасының бұзылуына әкелуі мүмкін. Әсіресе, жасөспірімдер мен жастар арасында бұл мәселенің алдын алу аса маңызды.
