Нашақорлық — адамның денсаулығына ғана емес, оның отбасына, ортасына және тұтас қоғамға зиян келтіретін қауіпті құбылыс. Есірткіге тәуелділік адамның өмір салтын өзгертіп, оқуына, жұмысына және жақын адамдарымен қарым-қатынасына кері әсер етеді. Сондықтан нашақорлықтың алдын алу — баршамызға ортақ міндет.
Әсіресе жастардың зиянды әдеттерден аулақ болуы маңызды. Бос уақытты спортқа, өнерге, білімге және пайдалы ортаға бағыттау адамды теріс жолдан қорғайды. Есірткіні «бір рет байқап көрудің» өзі қауіпті әдетке бастайтынын түсіну қажет. Қиын жағдайға тап болған адамды айыптамай, оған дер кезінде көмек көрсету де маңызды.
Есірткіден бас тарту — өз өміріңе таңдау жасау. Денсаулықты қорғау, дұрыс орта қалыптастыру және болашаққа жауапкершілікпен қарау — нашақорлыққа қарсы ең мықты тосқауыл.
А.ШАГИРОВ
