«Таза Қазақстан» жалпыұлттық акциясы – табиғатты қорғауға және қоғамда экологиялық мәдениетті қалыптастыруға бағытталған маңызды бастама. Бүгінде қоршаған ортаның тазалығы әрбір азаматтың жауапкершілігіне байланысты. Сондықтан бұл акцияның маңызы тек сенбіліктер өткізумен шектелмейді. Ол адамдардың табиғатқа деген көзқарасын өзгертіп, қоршаған ортаны таза ұстауды күнделікті өмір салтына айналдыруды көздейді.
Экологиялық мәдениет ең алдымен отбасынан және білім беру ұйымдарынан басталады. Балаларға қоқысты сұрыптау, ағаш отырғызу, суды үнемдеу, табиғатты ластамау сияқты қарапайым әдеттерді үйрету – олардың болашақтағы саналы азамат болып қалыптасуына ықпал етеді. Ал ересектер жастарға үлгі көрсетіп, қоғамдық орындардың тазалығына бейжай қарамауы қажет.
«Таза Қазақстан» акциясы адамдарды ортақ мақсатқа біріктіріп, туған жерге деген сүйіспеншілікті арттырады. Табиғатты қорғау – тек мемлекетке жүктелетін міндет емес, ол – әр адамның азаматтық борышы. Егер әрқайсымыз өзімізден бастап тазалықты сақтасақ, еліміздің экологиялық жағдайы жақсарып, Қазақстанның көркеюіне үлкен үлес қосамыз.
Ә.ТАБИҒАТҚЫЗЫ
