«Таза Қазақстан» аясында еліміздің барлық өңірлерінде сенбіліктер ұйымдастырылып, саябақтар мен көшелер тазартылып, миллиондаған көшет отырғызылуда.
Сонымен қатар тарихи-мәдени ескерткіштер мен демалыс орындары абаттандырылып, табиғатты қорғауға арналған түрлі акциялар өткізілуде. Бұл жұмыстар халықтың табиғатқа деген жанашырлығын арттырып, қоршаған ортаның жағдайын жақсартуға ықпал етеді.
Табиғатты қорғау – тек мемлекеттің емес, әрбір азаматтың ортақ міндеті. Егер әрқайсымыз тазалықты сақтап, туған жерімізге жанашырлықпен қарасақ, еліміз одан әрі көркейіп, болашақ ұрпаққа таза әрі жайлы орта қалдырамыз.
«Таза Қазақстан» – бір реттік акция емес, ол – қоғамның күнделікті өмір салтына айналуы тиіс маңызды бастама. Таза табиғат – денсаулықтың, өркендеудің және ел болашағының негізі.
