Табиғатты қорғау мәселесінде ең маңызды ұғымдардың бірі – ұрпақ алдындағы жауапкершілік. Бүгін біз пайдаланатын табиғи ресурстар, орман-тоғайлар, өзендер, көлдер мен жасыл аймақтар – тек қазіргі қоғамның игілігі емес. Оларды келешек ұрпаққа қандай күйде қалдыратынымыз да біздің бүгінгі әрекетімізге байланысты.
«Таза Қазақстан» осы тұрғыдан алғанда ұзақ мерзімді ойлауға шақырады. Қоршаған ортаны қорғау тек бүгінгі күннің мәселесін шешу емес, бірнеше жылдан кейінгі Қазақстанның қандай болатынын қалыптастыру. Мысалы, бүгін отырғызылған ағаш бірнеше жылдан соң көлеңке беретін жасыл аймаққа айналады. Бүгін тазартылған табиғи аумақ келешекте адамдардың демалыс орны болуы мүмкін. Ал бүгін қалыптасқан экологиялық әдеттер ертең баланың тәрбиесіне әсер етеді.
Сондықтан әрбір тазалық шарасының артында үлкен мағына бар. Бір адам қоқысты арнайы орынға тастағанда, бір отбасы қалдықты сұрыптауды бастағанда, бір топ жас ағаш отырғызғанда – қоғамда кішкентай болса да өзгеріс пайда болады. Мұндай әрекеттер көпшілікке таралған кезде ғана тұрақты экологиялық мәдениет қалыптасады.
Мен үшін «Таза Қазақстанның» басты ерекшелігі – оның бүгінгі күнмен шектелмеуінде. Бұл бастама бізге «Қоршаған ортаны қандай күйде қабылдасақ, сондай күйде кейінгі ұрпаққа қалдыруға құқылымыз ба?» деген маңызды сұрақ қояды. Сондықтан тазалыққа жасалған әрбір қадамды болашаққа жасалған инвестиция ретінде қарастыруға болады.
Ж.ҚЫЛЫШ
