Қоршаған ортаның тазалығы халықтың денсаулығымен тікелей байланысты. Көшелердің, саябақтардың, өзен-көлдердің таза болуы адамдардың жайлы өмір сүруіне ғана емес, түрлі аурулардың алдын алуға да ықпал етеді. Осы тұрғыдан алғанда, «Таза Қазақстан» жалпыұлттық акциясының маңызы ерекше.
Табиғатқа тасталған қоқыс топырақ пен суды ластап, жануарлар мен өсімдіктер әлеміне зиян келтіреді. Ал лас орта адамдардың денсаулығына кері әсерін тигізіп, экологиялық мәселелердің көбеюіне себеп болады. Сондықтан қоршаған ортаны таза ұстау – әр азаматтың күнделікті міндеті болуы тиіс.
Бұл акция халықтың табиғатқа деген жауапкершілігін арттырып, қоғамдық белсенділікті күшейтеді. Әр адам өз ауласын, көшесін немесе жұмыс орнын таза ұстап, табиғатты қорғауға үлес қоса алады. Осындай игі істердің нәтижесінде еліміз көркейіп, болашақ ұрпаққа таза әрі қауіпсіз орта қалдырамыз. Денсаулығы мықты қоғам қалыптастыру үшін ең алдымен өмір сүретін ортамыздың тазалығына мән беруіміз қажет.
С.ҚАЙЫР
