“Таза Қазақстан” – бұл жай ғана экологиялық акция емес, ол – әр азаматтың саналы өмір салтына айналуы тиіс маңызды бастама. Тазалық – мәдениеттің, тәрбиенің және жауапкершіліктің айқын көрінісі. Өз ауламызды, көшені, табиғатты таза ұстау арқылы біз болашақ ұрпаққа үлгі боламыз.
Бүгінде қоршаған ортаны қорғау – тек мамандардың емес, барша халықтың ортақ ісі. Қоқысты кез келген жерге тастамай, табиғатты аялау – елімізге деген құрметтің белгісі. “Таза Қазақстан” арқылы біз туған жерімізді көркейтіп қана қоймай, экологиялық сананы қалыптастырамыз.
Таза ел – жарқын болашақтың кепілі. Сондықтан әрқайсымыз тазалықты өзімізден бастап, айналамызға жанашырлықпен қарауымыз керек.
Жасмин СЕМБІ,
жас белсенді
