Заң мен тәртіп — кез келген мемлекеттің тұрақтылығы мен қауіпсіздігінің негізі. Менің ойымша, заңды сақтау тек құқық қорғау органдарының міндеті емес, әр азаматтың күнделікті өмірдегі жауапкершілігі болуы керек. Қоғамда әр адам өз құқығын біліп қана қоймай, өзгенің құқығын құрметтеген кезде ғана шынайы тәртіп қалыптасады.
«Заң мен тәртіп» қағидаты адамдарды қорқынышпен емес, жауапкершілікпен өмір сүруге үйретуі қажет. Қарапайым ережелерді сақтау, қоғамдық орындарда тәртіпті болу, құқық бұзушылыққа немқұрайлы қарамау — заңға деген құрметтің нақты көрінісі. Құқықтық сауатты азамат өз әрекетінің салдарын түсінеді және қоғам алдындағы жауапкершілігін сезінеді.
Меніңше, заңды білу — өзіңді қорғаудың ғана емес, әділетті қоғам құрудың да жолы. Сондықтан заң мен тәртіп әр адамның санасында қалыптасқан өмірлік ұстанымға айналуы тиіс.
А.МАРАТҚЫЗЫ
