Қоғамда тыныштық пен тұрақтылық болуы үшін ең алдымен заң мен тәртіп сақталуы қажет. Заң – әр азаматтың құқығын қорғайтын және қоғамдағы жауапкершілікті қалыптастыратын маңызды құрал. Сондықтан заңды білу ғана емес, оны құрметтеп, талаптарын орындау әр адамның міндеті деп есептеймін.
«Таза Қазақстан» идеясын тек қоршаған ортаның тазалығымен шектемеу керек. Таза қоғам дегеніміз – құқық бұзушылықтан, тәртіпсіздіктен және жауапсыздықтан ада қоғам. Әр адам қоғамдық тәртіпті сақтап, өз әрекетіне жауапкершілікпен қараса, елдегі қауіпсіздік те нығая түседі. Заңға бағыну – қорқыныштан емес, өз еліне және қоғамға деген құрметтен туындауы керек. Сондықтан заң мен тәртіпті сақтау – жарқын болашаққа жасалған ортақ қадам.
Н.ДАРХАНҰЛЫ
