Қазақстан Республикасының жаңа Конституциясы қоғамның тұрақтылығы мен дамуына бағытталған маңызды қадам деп ойлаймын. Әсіресе дін мен мемлекеттің ара-жігін нақты ажырату – еліміздің зайырлы мемлекет ретінде дамуын қамтамасыз етеді. Бұл барлық азаматтардың діни сенім бостандығын сақтай отырып, мемлекеттік саясаттың бейтарап болуына көмектеседі.
Сонымен қатар білім беру мен тәрбиенің зайырлы сипатын бекіту – жастардың ғылымға, білімге негізделген көзқараспен қалыптасуына мүмкіндік береді. Ал неке ер мен әйелдің ерікті әрі тең құқықты одағы ретінде бекітілуі – дәстүрлі отбасылық құндылықтарды қорғауға бағытталған дұрыс шешім деп есептеймін.
Жалпы алғанда, Конституция қоғамдағы бірлік пен тұрақтылықты нығайтып, ұлттық құндылықтарды сақтауға ықпал етеді.
Ерлан МАХСОТОВ,
Жанбай ауылдық округінің әкімі
