«Таза Қазақстан» жалпыұлттық тұжырымдамасы еліміздің экологиялық жағдайын жақсартуға бағытталған маңызды бастама болып табылады. Бұл жоба тек көшелер мен саябақтарды тазалаумен шектелмейді, ол қоғамда табиғатқа деген жауапкершілікті қалыптастыруды көздейді. Қоршаған ортаның тазалығы – халық денсаулығының, өмір сапасының және елдің тұрақты дамуының басты кепілі.
Бүгінде экологиялық мәселелер әлемнің көптеген мемлекеттері үшін өзекті болып отыр. Қазақстан да бұл үрдістен тыс емес. Қалдықтардың көбеюі, табиғи ресурстардың ластануы және жасыл аймақтардың азаюы қоғам назарын талап етеді. Осы тұрғыдан алғанда, «Таза Қазақстан» тұжырымдамасы әр азаматтың экологияны қорғауға үлес қосуына мүмкіндік береді.
Бұл бастаманың басты ерекшелігі – халықты ортақ мақсатқа жұмылдыруында. Ағаш отырғызу, сенбіліктер ұйымдастыру, өзен-көлдердің жағалауын тазарту сияқты іс-шаралар адамдардың қоршаған ортаға деген көзқарасын өзгертеді. Сондықтан «Таза Қазақстан» – тек экологиялық жоба ғана емес, азаматтық жауапкершілікті арттыратын ұлттық қозғалыс деп есептеймін.
