«Таза Қазақстан» республикалық экологиялық акциясы аясында Исатай аудандық полиция бөлімінің қызметкерлері тазалық жұмыстарын жүргізді.
Іс-шара барысында бөлім қызметкерлері аудан аумағындағы қоғамдық орындар мен әкімшілік ғимараттардың айналасын қоқыстан тазалап, аумақты абаттандыру жұмыстарына белсенді қатысты. Сонымен қатар, қызметкерлер қоршаған ортаны қорғау және тазалық мәдениетін қалыптастырудың маңыздылығына ерекше назар аударды.
Экологиялық акцияның басты мақсаты – тұрғындар арасында тазалықты сақтау мәдениетін насихаттау, қоршаған ортаны қорғауға үлес қосу және елді мекендердің санитарлық жағдайын жақсарту.
Исатай аудандық полиция бөлімінің қызметкерлері мұндай игі шараларға тұрақты түрде қатысып, қоғамға үлгі болуды жалғастыруда. Таза әрі көрікті қоршаған орта – әрбір азаматтың ортақ міндеті және болашақ ұрпақ алдындағы жауапкершілігі.
