Елдің ертеңі – білімді ұрпақтың қолында. Сондықтан сапалы білім беретін, қауіпсіз әрі заманауи мектептер салу – мемлекет дамуының басты басымдықтарының бірі. Осы мақсатта жүзеге асырылып жатқан «Келешек мектептері» ұлттық жобасы – білім беру жүйесін жаңа деңгейге көтеретін маңызды бастама.
Бұл – тек жаңа ғимараттар емес. Бұл – балалардың арманына қанат бітіретін, қабілетін шыңдайтын, ғылым мен технологияны меңгеруге жол ашатын жаңа білім кеңістігі.
Заманауи сәулет үлгісімен салынған мектептер кең әрі жарық оқу кабинеттерімен, робототехника және STEM зертханаларымен, шығармашылық студиялармен, кітапханалармен, спорт және акт залдарымен жабдықталады. Әрбір бөлшегі оқушының жан-жақты дамуына бағытталған.
«Келешек мектептері» – қауіпсіздік пен қолайлылықтың да жаңа стандарты. Инклюзивті білім беру қағидаттарына сай барлық балаға тең мүмкіндік қарастырылған. Заманауи қауіпсіздік жүйелері, цифрлық технологиялар және жайлы оқу ортасы білім сапасын арттыруға қызмет етеді.
