Аумақтық коалиция мүшелері жастармен кездесіп, конституциялық реформаның мәні мен маңызын кеңінен түсіндірді. Кездесу барысында алдағы өзгерістердің негізгі бағыттары таныстырылып, реформаның қоғам дамуына ықпалы туралы жан-жақты ақпарат берілді.
Жиында Қазақстан Республикасының Конституциясы аясындағы жаңашылдықтар, азаматтардың құқықтары мен бостандықтарын қорғауды күшейту тетіктері, билік тармақтары арасындағы тепе-теңдік мәселелері қозғалды.
Кездесу ашық әрі еркін форматта өтіп, қатысушылар реформаның ел дамуы үшін маңыздылығын атап өтті. Ақпараттық-түсіндіру жұмыстары алдағы уақытта да жалғасатын болады.
