#Заңментәртіп
«Назар аударыңыз, балалар!» жедел профилактикалық іс-шарасы Кәмелетке толмағандар арасындағы құқық бұзушылық деңгейін төмендету және балаларға қатысты қылмыстардың алдын алу жұмыстарын күшейту мақсатында ағымдағы жылдың 15-20 тамыз аралығында Исатай ауданы аумағында республикалық «Назар аударыңыз, балалар!» жедел профилактикалық іс-шарасы өткізілуде.
Іс-шараның негізгі мақсаты – жасөспірімдер арасындағы қылмыстың алдын алу, кәмелетке толмағандар тарапынан жасалатын құқық бұзушылықтардың жолын кесу, балалардың құқықтары мен заңды мүдделерін қорғау, сондай-ақ оларға қатысты қылмыстық қол сұғушылықтардың алдын алу.
Балалардың қауіпсіздігін қамтамасыз етуге, олардың құқықтары мен заңды мүдделерін қорғауға және жасөспірімдер арасындағы құқық бұзушылықтардың алдын алуға ерекше назар аударылады.
