№51 «Келешек» мектебінде «Бала қауіпсіздігі – отбасы мен қоғамның ортақ жауапкершілігі» тақырыбында жалпы ата-аналар жиналысы өтті.
Жиынға аймақтық инспектор Базарбаев Қ.Б. қатысып, бала қауіпсіздігіне қатысты түсіндіру жұмыстарын жүргізді.
Кездесудің негізгі мақсаты – балалардың өмірі мен денсаулығын сақтау және олардың қауіпсіз ортада тәрбиеленуіне ата-аналар мен қоғамның жауапкершілігін арттыру.
Жиналыс барысында оқушылардың мектептегі және мектептен тыс уақыттағы қауіпсіздігі, жолда жүру ережелері, интернеттегі қауіпсіздік, буллинг пен құқықбұзушылықтың алдын алу мәселелері талқыланды. Сондай-ақ, кәмелетке толмағандардың құқықтары мен міндеттері, заң алдындағы жауапкершілігі туралы ақпарат беріліп, ата-аналарға профилактикалық кеңестер ұсынылды.
Ата-аналар өздерін толғандырған сұрақтарын қойып, тиісті жауаптарын алды.
Н. Насыр
