Өндірістік бақылау туралы не білеміз?

Өндірістік бақылау — бұл жұмыс беруші (немесе уәкілетті ұйым) тарапынан еңбек қауіпсіздігі, санитарлық-гигиеналық талаптар мен экологиялық нормалардың сақталуын қамтамасыз ету үшін жүзеге асырылатын кешенді шаралар жүйесі.

Өндірістік бақылаудың мақсаттары:

• Қызметкерлер үшін қауіпсіз еңбек жағдайларын қамтамасыз ету;
• Зиянды және қауіпті факторлардың әсерін болдырмау;
• Санитарлық-эпидемиологиялық жағдайды жақсарту;
• Өндірістік жарақаттар мен кәсіби аурулардың алдын алу;
• Санитария, еңбек қорғау және қоршаған ортаны қорғау саласындағы заңнамалық талаптарды орындау.

Негізгі бағыттар:

1. Еңбек жағдайларын бақылау

 шуды, дірілді, микроклиматты, жарықтандыруды, шаң мен газдың деңгейін өлшеу;
жұмыс орындарын бағалау;
жабдықтар мен жеке қорғаныс құралдарының жағдайын тексеру.

2. Зертханалық бақылау

 жұмыс аймағындағы ауаның сапасын талдау;
 ауыз судың құрамын зерттеу;
 санитарлық-химиялық және микробиологиялық талдаулар.

3. Санитарлық нормалардың сақталуын бақылау

қызметкерлердің жеке гигиенасын бақылау;
өндірістік және тұрмыстық бөлмелердің тазалығын тексеру;
тұрмыстық және медициналық қызмет көрсетуді ұйымдастыру.

4. Оқыту және нұсқаулықтар

 еңбек қауіпсіздігі және санитария бойынша нұсқаулықтар өткізу (бастапқы, қайталау, жоспарлы);
қауіпсіз жұмыс әдістеріне үйрету.

5. Құжаттама және есеп беру

өндірістік бақылау бағдарламасын жүргізу;
тексеру кестелерін, актілер мен есептерді дайындау;
қадағалаушы органдарға есеп беру.
 

Искакова Айгүл Сабырқызы
Атырау облысының санитариялық-эпидемиологиялық бақылау департаменті басшысының орынбасары

Таза Қазақстан

AQPARATPRINT