Балалар тағдырына араша болған полиция ардагері - Гүлнар Ихсанқызы

Гүлнар Ихсанқызы Андакулова - Қазақстан Республикасы ІІМ-нің құрметті ардагері, отставкадағы полиция подполковнигі.

1950 жылы Құрманғазы ауданының Шортанбай ауылында дүниеге келген. Ішкі істер органдарындағы қызметін жас милиционерден бастап, кәмелетке толмағандармен жұмыс істейтін мекеме басшысына дейін көтерілді. 

Оның қызмет жолының елеулі бөлігі тағдыры қиын балалармен жұмысқа арналды. Орталықта балалардың қауіпсіздігіне, тұрмысына және қоғамға қайта бейімделуіне ерекше көңіл бөлінді. 

Гүлнар Ихсанқызы талай баланың тағдырына куә болып, әрқайсысына жауапкершілікпен қарады. Балалар оны бір кездері «ортақ анамыз» деп атаған. 

2009 жылы зейнетке шыққанымен, балалармен жұмысын жалғастырып, арнайы мектеп директоры қызметін атқарды. 

Осылайша, оның еңбек жолы қызметке адалдықтың үлгісін көрсетеді. Қарттар күні - елге еңбегі сіңген аға буын өкілдерін құрметтеп, олардың өнегелі жолын дәріптейтін күн.