Каспий теңізінің Каспий итбалығын сақтау мәселесі халықаралық «Қазыналы Каспий» форумында көтерілді. Балық шаруашылығы комитетінің төрағасы Серік Сермағамбетовтің айтуынша, соңғы 100 жыл ішінде Каспий итбалығының саны 1 миллионнан 270 мыңға дейін қысқарған.
Итбалық популяциясын сақтау мақсатында 2024 жылы «Каспий итбалығы» мемлекеттік табиғи резерваты құрылды. Сонымен қатар Қазақстан мен Ресей ғалымдары 2020-2024 жылдары бірлескен зерттеулер жүргізіп, Каспийдегі итбалықтардың қазіргі санын анықтаған. Қазір қазақстандық ғалымдар 2024-2026 жылдарға арналған зерттеу аясында итбалықтардың маусымдық мекендерін, көші-қон бағыттарын және қоректену ерекшеліктерін зерттеуде.
