Сайлауалды үгіт-насихат науқаны қарқынды жалғасуда. Алғашқы күндері өз бағдарламаларын таныстыруға басымдық берген саяси партиялар енді сайлаушылардың сеніміне ие болу үшін белсенді бәсекеге көшті.

Қазіргі науқанда партиялар дәстүрлі кездесулермен қатар әлеуметтік желілерді, ашық пікірталастарды, қоғамдық іс-шаралар мен заманауи коммуникация құралдарын кеңінен пайдаланып жатыр. Бұл сайлаушылармен тікелей байланыс орнатуға және олардың көкейіндегі мәселелерге жедел жауап беруге мүмкіндік береді.

Сарапшылардың пікірінше, мұндай белсенділік сайлауалды науқанның ашықтығы мен бәсекелестік деңгейінің артқанын көрсетеді. Алдағы кезеңде партиялар өз бағдарламаларын кеңінен түсіндіріп, қоғамның әртүрлі топтарымен кездесулер өткізу арқылы сайлаушылардың қолдауына ие болуға күш салады.

Бірі таңғы жүгіруге шықса, енді бірі қоғамдық тыңдау өткізіп, ауыл-аймақты аралап жүр. Ал кей партиялар кәсіпкерлердің мәселелерін талқылап, ерекше қажеттіліктері бар балаларды тәрбиелеп отырған отбасылармен кездесуде.

Құрылтай депутаттарын сайлау алдындағы үгіт-насихат науқанының белсенді кезеңі жалғасуда. Осы кезеңде «Әділет» партиясы мұнайшылармен кездесулер өткізсе, ЖСДП мен Қазақстанның Халық партиясы әлеуметтік күн тәртібіне басымдық беруде. «Байтақ» партиясы «Көліксіз күн» акциясын ұйымдастырып, «Ауыл» аграрлық мәселелерге назар аударса, «Ақ жол» кәсіпкерлермен кездесулер өткізді, ал «Respublica» Семей қаласында форум ұйымдастырды. Үгіт-насихат науқаны жария саяси пікірталас кезеңіне өтті.

«Қазақстан Республикасы Құрылтайының сайлауын тағайындау туралы» Қазақстан Республикасы Президентінің 2026 жылғы 1 шілдедегі №1338 Жарлығына, «Қазақстан Республикасындағы сайлау туралы» Қазақстан Республикасы Конституциялық заңының 13-бабы 4-тармағына, «2026 жылғы 23 тамызға тағайындалған Қазақстан Республикасы Құрылтайының депутаттарын сайлауды дайындау мен өткізу жөніндегі негізгі іс-шаралардың күнтізбелік жоспарын бекіту туралы» Қазақстан Республикасы Орталық сайлау комиссиясының 2026 жылғы              1 шілдедегі №26/41 қаулысына сәйкес Исатай аудандықаумақтық, учаскелік сайлау комиссияларының құрамдарын, орналасқан жері және жұмыс уақытын хабарлаймыз.