Париж Олимпиадасының чемпионы Елдос Сметов Қытайда өтетін халықаралық Гран-при турнирінде татамиге қайта шығады, деп хабарлайды AtyrauPress.
Байрақты бәсеке 26-28 маусым күндері Қытайдың Циндао қаласында өтеді. Қазақстан құрамасы бұл турнирге толық құрамға жуық спортшыларын апармақ.
Ерлер құрамасында:
60 келіде — Елдос Сметов, Талғат Орынбасар;
66 келіде — Ғұсман Қырғызбаев;
73 келіде — Бақытжан Абдурахманов, Ерсұлтан Дүйсенхан;
81 келіде — Абылайхан Жұбаназар, Әділет Алмат;
90 келіде — Айдар Арапов, Даниил Крылов;
100 келіде — Асқар Біржанов пен Бақжан Байтас белдеседі.
Ал әйелдер құрамасында:
48 келіде — Әбиба Әбужақынова;
52 келіде — Меруерт Сәрсенова;
57 келіде — Бақыт Құсақбаева;
63 келіде — Эсмигүл Қуйлова;
70 келіде — Ажар Асхат пен Мөлдір Нарынова;
78 келіде — Аруна Жангелдина мен Екатерина Токарева;
78 келіден жоғары салмақта Аида Тойшыбекова мен Назгүл Маратова ел намысын қорғайды.
Айта кетейік, Елдос Сметов Париж Олимпиадасынан кейін алғаш рет халықаралық жарысқа қатысуға дайындалып отыр.
Серікбол ПАНАБЕРДИЕВ.
Сурет "КазСпорттан" алынды.
