шаблоны сайт визитка joomla
Скачать шаблоны Joomla 3.5 бесплатно

«Шаттық Отаны» шалқытты

Өткен аптада «Жалын» мәдениет үйінде Дина Нұрпейісова атындағы халықтық музыка академиясы Атырау музыка колледжі ауыл тұрғындарына өнер ордасының 60 жылдығы мен елордамыз Астананың 20 жылдығына арналған «Шаттық Отаны» атты мерекелік концерттік бағдарламасын ұсынды.

Концертте Ержан Қитаров көркемдік жетекшілік, Болат Долдашев дирижерлік ететін студенттік халық аспаптар оркестрі өз өнерлерін ортаға салды. Бағдарламада Құрманғазының «Сарыарқа», «Адай», Сейілхан Құсайыновтың «Мереке», Динаның «Әсем қоңыр», Сыдық Мұхамеджановтың «Шаттық Отаны», Ықыластың «Жезкиік»,Түр-кештің «Көңілашар», Нұрғиса Тілендиевтің «Махамбет», қазақ, орыс, шетел композиторларының шығармалары, халық әндері, күй тартыстар орындалды. Дина Нұрпейісова атындағы халықтық музыка академиясы Атырау музыка колледжі Қазақстанның батыс аймағына кәсіби музыка мамандарын даярлайтын тұңғыш музыкалық білім ордасы 1958 жылы құрылған. Өзінің 60 жылдық тарихында жоғары кәсіби деңгейдегі өнердің талай саңлақтары мен шәкірттерін даярлап шығарған. Концертте аудан әкімінің орынбасары Н.Әбежан жергілікті өнерсүйер тыңдармандардың ықыласына бөленген музыка колледжіне аудан әкімі атынан Алғыс хатын ұсынса, ал аталмыш колледж директоры, өнертану ғылымдарының кандидаты, облыстық мәслихаттың депутаты Гүлнәр Сәдуақасова шынайы алғысын білдірді.

Аяпберген САЛИХОВ

Меншік иесі: «Атырау-Ақпарат» ЖШС

Қазақстан Республикасының Ақпарат және коммуникациялар министрлiгiнде 2018 жылы 16 мамырда тіркеліп, №17102-г куәлік берілген.

Редакцияның мекенжайы: Исатай ауданы, Аққыстау ауылы, Егемен Қазақстан көшесі, 12-үй.

Байланыс телефондары: 8 (71 231) 2-01-68, 2-01-52, факс 2-01-68.

Электронды пошта: naryn_tany2009@mail.ru