шаблоны сайт визитка joomla
Скачать шаблоны Joomla 3.5 бесплатно

Аққыстаулық қыздар командасы суперкубок бәсекесінде бақ сынайды

Облыстық «Атырау барыстары» кәсіпқой баскетбол клубы мен «Атырау барыстары» академиясы және іскер корпорациясының қолдауымен 2018-2019 жылғы оқу жылына арналған 2006-2008 жылы туған ұлдар мен қыздар арасында jr.NBA ISKER League лигасы Қазақстанның 6 қаласында өтіп, облыстық кезеңді тамамдады.

Атырау қаласында өткен лиганың ереже шартына сай командалардың кездесуі жеребе арқылы анықталған болатын. Бұл додада сынға түскен Исатай БЖСМ спортшылары, Аққыстау орта мектебінің ұлдар командасы 9-орынмен өз тобынан плей-оффқа өте алмай қалды. Ал, қыздарымыз өз тобынан бірінші орынмен шығып, ширек финалда Индер ауданындағы Ш.Уәлиханов атындағы орта мектептен келген «Бостон Селтикс» командасын 25:6 есебімен ойсырата ұтып, жартылай финалда құрманғазылық Б.Биғалиев атындағы орта мектеп командасы «Милуоки Бакс» құрамасын 26:37 есебімен жолда қалдырды.

Ақтық сын да қыздарымызға қиынға соқпады, тіпті үлкен додада емес, өздерін құдды күнделікті жаттығуда жүргендей сезінген олар Қ.Сәтбаев атындағы №19 мектеп гимназиясы қыздарын 12:53 есебімен бет қаратпай жеңді. Енді қыздарымыз Алматы қаласында өтетін Суперкубок бәсекесіне жолдама алды. Маусымның үздік ойыншылары аталымына Аққыстау орта мектебінің оқушылары Х.Меңдібайқызы мен Аружан Мерекеқызы лайық деп танылды. Команда бапкерлері – А.Құрманғалиев, А.Қуанышев, Э.Тағатов. Жерлестеріміздің ендігі сыннан да жеңіс тұғырынан көрінуін тілейміз.

Серікбол Панабердиев

Меншік иесі: «Атырау-Ақпарат» ЖШС

Қазақстан Республикасының Ақпарат және коммуникациялар министрлiгiнде 2018 жылы 16 мамырда тіркеліп, №17102-г куәлік берілген.

Редакцияның мекенжайы: Исатай ауданы, Аққыстау ауылы, Егемен Қазақстан көшесі, 12-үй.

Байланыс телефондары: 8 (71 231) 2-01-68, 2-01-52, факс 2-01-68.

Электронды пошта: naryn_tany2009@mail.ru