bannerqaz

Балық аулаудың да Тәртібі бар

Аудандық сот өткен жылдың бірінші жартыжылдығында Қазақстан Республикасы «Әкімшілік құқық бұзушылық туралы» Қазақстан Республикасының кодексінің 383-бабымен, яғни, балық аулау және балық ресурстары мен басқа да су жануарларын қорғау қағидаларын бұзу іс-әрекеттері бойынша 21 адамға қатысты 21 істі қарап, әкімшілік айыппұл салу жазасын тағайындады.

Алдыңғы жылдың бірінші жартыжылдығымен салыстырар болсақ, балық аулау және балық ресурстары мен басқа да су жануарларын қорғау қағидаларын бұзу жөніндегі әкімшілік құқық бұзушылық істердің көбейгені байқалды.

Қазақстан Республикасы ӘҚБтК-нің 383-бабының 3-бөлігіне әуесқойлық (спорттық) балық аулауды қоспағанда, тыйым салынған мерзімдерде, тыйым салынған құралдармен немесе тәсiлдермен, тыйым салынған жерлерде балық аулау қағидаларын, сондай-ақ балық ресурстарын және басқа да су жануарларын пайдаланудың басқа да түрлерiн жүзеге асыру қағидаларын қылмыстық жазаланатын іс-әрекет белгiлерi жоқ өрескел бұзу болып табылатын басқа да әрекеттер.

ҚР-сы ӘҚБтК-нің 383-бабының 3-бөлігі бойынша әкімшілік құқық бұзушылық заттары және (немесе) құралы тәркiлене отырып немесе онсыз, жеке тұлғаларға – жиырма, шағын кәсiпкерлiк субъектiлерiне – алпыс, орта кәсіпкерлік субъектілеріне – бір жүз, iрi кәсiпкерлiк субъектiлерiне екі жүз елу айлық есептік көрсеткіш мөлшерiнде айыппұл салуға әкеп соғады.

ҚР-сы ӘҚБтК-нің 383-бабының 4-бөлігіне сай осы баптың үшінші бөлігінде көзделген, әкiмшiлiк жаза қолданылғаннан кейiн бiр жыл iшiнде қайталап жасалған әрекет әкімшілік құқық бұзушылық заттары және (немесе) құралдары тәркiлене отырып немесе онсыз, жеке тұлғаларға – қырық, шағын кәсiпкерлiк субъектiлерiне – сексен, орта кәсіпкерлік субъектілеріне – бір жүз жиырма, iрi кәсiпкерлiк субъектiлерiне үш жүз айлық есептік көрсеткіш мөлшерiнде айыппұл салынады. Балық аулаудың да өз ережесі бар, сондықтан балық өнімдерін пайдалану барысында заңдылықтарды сақтап, заң бұзушылықтарға жол берілмеуі қажет.

Гүлназ САРИЕВА,

аудандық соттың бас маманы, сот отырысының хатшысы

Бейнебаян жаңалығы

Күнтізбе

қыркүйек 2019
ПВСЧПСВ
1
2345678
9101112131415
16171819202122
23242526272829
30

Жарнама

ads_sidebar-min

bannerqaz