bannerqaz

Жанбайлық көпбалалы анаға үй сыйлады

Жанбай ауылында тағы бір көпбалалы отбасы қоныстойын тойлады.

«Потенциал Ойл» ЖШС-нің демеушілігімен баспаналы болған жалғызбасты ана Эльмира Мұхтарованың шаңырағы шаттыққа бөленді.

janbaiui1

Үйдің кілтін табыстау салтанатында сөз алған Жанбай ауылдық округінің әкімі Дидар Есмұханов пен ауылдық ардагерлер кеңесінің төрағасы Мырзажан Балпанов қайырымдылық қолын созып, демеушілікпен баспана сыйлап, ана мен бес бірдей баланың алғысын арқалаған компания басшыларына риясыз ризашылықтарын білдірді. Сондай-ақ «Потенциал Ойл» ЖШС бас инженері Ғаділбек Мырзағалиев, әкімшілік-шаруашылық бөлімінің бастығы Нұрбек Иманқұлов, бас механик Қайрат Раймуханов Эльмираның мұң-мұқтажын компания басшыларына жеткізіп, баспаналы болуына септескен ауыл әкімі мен ардагерлеріне алғыстарын айтып, қуанышқа кенелген көпбалалы ананы қоныстойымен құттықтады.

janbaiui2

Айта кетейік, Эльмира Мұхтарова - бес баланың анасы. Жолдасы дүниеден озғанда кенже қызы құрсағында қалған жас анаға осы уақытқа дейін бір бөлмелі үйді паналап келу оңайға соққан жоқ. Елдің қамқор азаматтары көтерген бастама оң шешімін тауып, қуанышқа кенелген ол жақсылықтың басы-қасында жүргендерге ыстық ықыласын білдірді.

Серікбол ПАНАБЕРДИЕВ

Жарнама

strakhovaniya

Бейнебаян жаңалығы

Күнтізбе

қаңтар 2020
ПВСЧПСВ
12345
6789101112
13141516171819
20212223242526
2728293031

Жарнама

ads_sidebar-min

bannerqaz