bannerqaz

Атырауда алғаш рет велокросс біріншілігі өтеді

Спорттық жарысқа 11 және одан жоғары жастағы барлық тілек білдірушілер қатыса алады, деп хабарлайды Атырау облысының Өңірлік коммуникациялар қызметі.

Іс-шараның мақсаты, балалар мен жасөспірімдер арасында велосипед спортын насихаттау, спортпен айналысуға және салауатты өмір салтын қалыптастыруға шақыру.

Жарыс "Нұрсая" ықшам ауданындағы, әуежай жолында орналасқан ҚазМұнайГаз жанармай бекетіннен бастау алады. Ұйымдастырушылар - Атырау қаласы әкімдігінің қолдауымен "Атырау облысында спортты қолдау және дамыту" қоғамдық қоры, Атырау облыстық велоспорт федерациясының және қалалық спорт бөлімі.

belokros1

Жиналу 24 тамыз күні таңғы 08:30-да, ресми ашылуы сағат 09:00-де өтеді. Бірінші болып қыздар бастайды, содан соң жарыс ұлдар арасында жалғасады. Жарысқа қатысушылар кез келген велосипед түрімен қатыса алады. Қатысушылар айналмалы жарыста біріншілік үшін күреседі, және 4 жас категорияларының әрқайсысы үшін-қыздар арасында 1999-2008 ж.т., ұлдар арасында - 2006-2008, 2003-2005, 2002 және одан үлкендер арасында белгілі бір келу уақыты қарастырылған.

Жарыс қорытындысы бойынша, бірінші, екінші және үшінші орындар үшін 3 жеңімпаз сыйлықтармен марапатталады. Жүлделерді қыздар мен ұлдар өздерінің жас санаты бойынша барлық жеңімпаздар сыйлықтарын алатын болады. Жарысқа қатысушылар сыйлықтармен, грамоталармен және медальдармен марапатталады. "Ең жас қатысушы" және "Ең жасы үлкен қатысушы" номинациялары бойынша тағы екі жеңімпаз бағалы сыйлықтарға ие болады.

Айта кетейік, жарысқа қатысу үшін жеке куәлік немесе туу туралы куәлік, сондай-ақ дәрігер-терапевтен денсаулық жағдайы туралы медициналық анықтаманы "Нұрсая" ы.а. 48 мекен-жайындағы Велоорталыққа 23 тамыз сағат 18:00-ге дейін алып келуі тиіс. Қосымша ақпаратты 8 701 595 20 67 телефоны арқылы білуге болады.

Атырау облысының Өңірлік коммуникациялар қызметі

Бейнебаян жаңалығы

Күнтізбе

қыркүйек 2019
ПВСЧПСВ
1
2345678
9101112131415
16171819202122
23242526272829
30

Жарнама

ads_sidebar-min

bannerqaz