Жаңа Конституция жобасы еліміздің дамуына тың серпін беретін және қоғам өмірін жаңа деңгейге көтеруге бағытталған маңызды құжат болып табылады. Бұл құжатта азаматтардың құқықтары мен заңды мүдделерін қорғау басты орынға қойылып, әр адамның мемлекет тарапынан әділ қолдау көруіне нақты негіз қалыптастырылған. Сонымен қатар, халықтың пікірін ескеруге, қоғаммен ашық диалог орнатуға және мемлекеттік шешімдерді қабылдау үдерісін барынша ашық етуге ерекше мән беріліп отыр.
Менің ойымша, жаңа өзгерістер қоғамдағы әділдік қағидатын күшейтіп, заңның үстемдігін нақты іске асыруға мүмкіндік береді. Мемлекеттік органдардың жауапкершілігі артып, олардың халық алдындағы ашықтығы мен есептілігі жоғарылай түседі. Бұл өз кезегінде азаматтардың билікке деген сенімін нығайтып, ел ішіндегі тұрақтылықтың сақталуына оң ықпал етеді.
Сонымен бірге, Жаңа Конституция жобасы әлеуметтік салаға, жастардың болашағына, отбасылық құндылықтарды қорғауға және қоғамдағы бірлік пен келісімді нығайтуға бағытталған жаңа көзқарасты қалыптастырады. Азаматтардың ел дамуына белсенді араласуына жағдай жасалып, әр адамның өз ойын еркін білдіруіне және қоғамдық бастамаларға қатысуына мүмкіндік кеңейеді.
Жалпы алғанда, мен жаңа Конституция жобасын еліміздің болашағына жасалған маңызды әрі жауапты қадам деп бағалаймын. Бұл құжат Қазақстанның әділетті, тұрақты және дамыған мемлекет ретінде қалыптасуына берік негіз болады деп сенемін.
Ерболат НАСИМУЛЛИН,
Исатай аудандық Ардагерлер кеңесінің төрағасы
