Исатай аудандық сотында жол-көлік оқиғасы бойынша қаралған істердің көпшілігі дерлік жастарымызға қатысты болып отыр, араларында үлкен ер азаматтар да бар.

Тұщықұдықтық әже Қансұлу МҰХТАРОВА редакциямызға хат арқылы жақында облыстық перзентханада болған жантүршігерлік оқиғаға қатысты пікір білдірді. Онда былай делінген: 

Бір көсек етен жараттың Алла,

Кеудеме менің жан салдың, Алла,

Шаланжансар болғанымменен,

Өмірді мынау қарсы алдым, Алла.

Денем мұздап, жүрегім сыздап

Іздеген едім жылылық.

Іздеген мейір табылмай,бірақ,

Өн бойым кетті суынып.

Мәңгілік ешкім болмайды,

Ажалға қарсы тұрмайды.

Себепсізден себепсіз,

Қиналып өлсең, сол қайғы.

Бұл - періште-көңіл сәбидің мұң-зары. Адам баласының бәрі де сәбиден өседі емес пе? Қазақта «Қасқыр да қас қылмайды жолдасына» деген сөз бар. Ал, жақында перзентханада орын алған жаңтүршігерлік жағдай көптің көңіліне қаяу салды. Адам жанының арашасы, адамзаттың қорғаны бола біледі деп сенген дәрігеріміз мынадай іс жасағанда енді кімге сенеміз. Құрметті дәрігерім. Бәріміз де Алланың пендесіміз ғой. Ол сәбиді жаратты, саған ұсынды, сен қолыңа алып, «Биссмилләир рахмәәнир рахим» деп айтуың керек еді. Міне, Алланың ісіне қарсы шыққаның, ойланбауың, асығыстық жасағаның. Барлық іс-әрекеттеріңді жайып салды емеспе. «Бір қарын майды, бір құмалақ шірітеді» дейді. Не нәрсенің де киесі болатыны анық.

Мен де ұлды ұяға, қызды қияға қондырып, немере-жиен, шөбере көріп отырған анамын. Мына газетті оқып, көзіме жас алдым. Өмір есігін шалажансар ашқан кішкентай тіршіліктің, шарана сәбидің не жазығы бар еді? Айтар ауызға естір-құлаққа білдей, бүкіл халық қарап отырған атағы дардай облыс емеспе? Қазақта мынадай жабайылау мақал бар: «Адам азарда бит-қотыр болады». Осының бәрі «әй» дейтін әже, «қой» дейтін қожа жоқ, талап жоқ, тәртіп жоқ, қадағалау жоқ, бірі-біріне жылы жүрек жоқ, бірлік жоқтықтың кесірі, қайғылы нәтижесі. «Бас-басыңа би болсаң, манар тауға сыймассың» деген (Абай) ынтымақ, бірлік болуы керек, сонда ғана ел боламыз. Қолыма қалам алғызған, тірі туып, өлген сәбидің мұңы. Кешірерсіздер...

Қансұлу МҰХТАРОВА,

зейнеткер,

Тұщықұдық ауылы

Атырау облысында Оралдан Атырауға шыққан рейстік автобус жүк көлігімен соқтығысқан, деп xабарлайды Атырау облысының Өңірлік коммуникациялар қызметі.

Атырау облыстық полиция департаменті баспасөз қызметінің мәліметінше, жол-көлік оқиғасы Индер-Атырау тас жолында орналасқан Көктоғай тұрғындар ауылы маңында орын алған. Апатта 3 адам қаза тапты. Автобуста болған 43 адамның 15-і балалар. Балалардың арасында қаза тапқандар жоқ. 
 
Атырау облыстық денсаулық сақтау басқармасының баспасөз қызметі xабарлағандай, апат нәтижесінде 15 адам Атырау облысының медициналық мекемелеріне әкелінді. Дәрігерлердің айтуынша, 5адам Атырау облыстық ауруxанасына жеткізілді. Осынша адам Махамбет ауданының орталық аудандық ауруханасына және 4 адам Индер ауданының орталық аудандық ауруханасына емдеуге тіркелді.
Қазіргі уақытта барлық медициналық қызметтер зардап шеккендерді қабылдауға дайын. Оқиға орнында 10 жедел жәрдем бригадасы жұмыс істеді. Мобильді дәрігерлік амбулатория орналастырылған.

Аудан әкімдігі төтенше жағдай орын алған автобус жолаушыларына ыстық тамақ ұйымдастырды, әрі қарай келген жерге жеткізу үшін көлік дайындады. Психолог зардап шеккендермен жұмыс істейді. Облыстық денсаулық сақтау басқармасында атап өткендей, олардың денсаулығына қауіп жоқ.

Жолаушылар мен олардың жай-күйі туралы қажетті ақпаратты алу үшін 98 02 92, 8778 0072021 телефондары тәулік бойы байланыста. Апаттың себептерін тергеу жүргізетін органдар анықтауда. Алдын-ала тергеу Қазақстан Республикасы Қылмыстық кодексінің 345-бабының 4-тармағы - «Көлік құралдарын басқаратын тұлғалардың жол қозғалысы ережелерін бұзу немесе көлік құралдарының жұмысын бұзу» бойынша жүргізіледі.