Спорттық білім беруді жаңғыртудың бес жылдық кезеңі жаңа белеске көтерілді: Қазақ ұлттық спорт университеті салтанатты түрде ашылды
Астанада Орталық Азиядағы спорт ғылымы мен жоғары білікті мамандар даярлау бағытындағы ең ірі білім беру жобаларының бірі – Қазақ ұлттық спорт университетінің ресми ашылу рәсімі өтті.

Бокстан семсерлесуге дейін: Қазақстан спортшылары демалыс күндерін 19 халықаралық медальмен қорытындылады

Исатай ауданында алғаш рет ұйымдастырылған «Алыптар сайысы» көрермендердің зор қызығушылығын тудырған тағылымды додаға айналды. Күш пен төзімділік сынға түскен жарыста аудан намысын абыроймен қорғағандардың қатарында Исатай аудандық полиция бөлімінің кезекші-көмекшісі, полиция қызметкері Нұрқуат Қахарманұлы Умаров та болды.

Қазақстандық ауыр салмақтағы файтер, Tobet Top Team командасының өкілі және Alash Prideлигасының чемпионы Расул Хатаев халықаралық аренадағы табысты өнерін жалғастырып келеді.

Команданың бас бапкері Диас Қабдуовтың жетекшілігімен жаттығатын қазақстандық спортшы кәсіби ММА-дағы қарқынын жоғалтпай, жоғары нәтижелер көрсетуде. Жүйелі дайындық пен кәсіби жаттығу бағдарламасының арқасында Хатаев ел ішінде ғана емес, халықаралық деңгейде де бәсекеге қабілетті екенін дәлелдеп жүр.

BRAVE CF пен Alash Pride ұйымдарының бірлескен турнирінде Расул Хатаев халықаралық BRAVE CFлигасындағы алғашқы жекпе-жегін өткізді. Оның қарсыласы Ресей өкілі болды. Қазақстандық файтер кездесу барысында басымдық танытып, жекпе-жектің негізгі сәттерінде өз шеберлігін көрсетті.

Нәтижесінде төрешілер жеңісті бірауыздан Расул Хатаевқа берді. Осылайша қазақстандық спортшы кәсіби мансабындағы мінсіз көрсеткішін сақтап қалды — оның еншісінде 7 жекпе-жекте 7 жеңіс бар.

Ауыр салмақ дәрежесіндегі мұндай нәтиже спортшының үлкен әлеуетін көрсетеді. Қазіргі таңда Расул Хатаев Қазақстандағы ең болашағынан зор ауыр салмақтағы файтерлердің бірі саналады.

BRAVE CF ұйымындағы сәтті дебют спортшының алдағы мансабы үшін жаңа мүмкіндіктерге жол ашты. Егер жеңісті сериясын жалғастыра алса, қазақстандық файтердің әлемнің жетекші промоушендері, соның ішінде Ultimate Fighting Championship ұйымының да назарын аударуы әбден мүмкін.