Қазақстан тәуелсіз мемлекет ретінде тарихындағы ең маңызды қадамдардың бірін 1993 жылы жасап, төл валютасы – теңгені айналымға енгізді. Ұлттық валюта – елдің саяси тәуелсіздігі мен экономикалық дербестігінің айқын нышаны. Сондықтан бұл күн қаржы саласының қызметкерлері үшін ерекше мәнге ие. Өйткені теңгенің тұрақтылығы, қаржы жүйесінің дамуы, бюджетті тиімді жоспарлау – осы сала мамандарының күнделікті тынымсыз еңбегінің нәтижесі.

Жұмысшы – ел экономикасының тірегі саналатын ең маңызды мамандықтардың бірі. Қоғамда көптеген сала болса да, соның ішінде нақты еңбекпен айналысатын жұмысшылардың орны ерекше. Олар — зауыттарда, құрылыс алаңдарында, ауыл шаруашылығында, өндіріс орындарында тынымсыз еңбек етіп, күнделікті өміріміздің тұрақты болуына үлес қосатын жандар.

Жұмысшы мамандығы үлкен жауапкершілікті, шеберлікті және физикалық төзімділікті талап етеді. Бұл мамандық иелері өндірістің алдыңғы шебінде жүріп, елдің дамуына тікелей әсер етеді. Қарапайым көрінгенімен, әрбір жұмысшы еңбегінің артында үлкен күш пен қажырлы еңбек жатыр. Оларсыз ешбір өндіріс орны, құрылыс нысаны немесе қызмет көрсету саласы жұмыс істей алмайды.

Бүгінде техникалық және жұмысшы мамандықтарына сұраныс жылдан-жылға артып келеді. Бұл — мемлекетіміздің индустрияландыру бағыты мен өндіріс қуатын арттыруға баса назар аударып отырғанының дәлелі. Қазіргі заманғы жұмысшылар тек қол күшіне емес, технологияны меңгерген, заманауи құрал-жабдықтармен жұмыс істей алатын, кәсіби білім мен дағдыға ие болуы тиіс.

Жұмысшы мамандығы — еңбекке адалдықтың, табандылықтың және қоғамға пайдалы болудың жарқын үлгісі. Сондықтан бұл мамандыққа құрметпен қарап, жастарды техникалық білім алуға, еңбекқорлыққа баулу өте маңызды. Себебі елдің нағыз байлығы — еңбек еткен адамда.

К.ҚҰРМАНҒАЗИЕВА

Аспазшы – тек тағам дайындайтын адам ғана емес, ол – өнер иесі, ас үйдің шебері. Бұл мамандық үлкен жауапкершілікті, ұқыптылықты және шығармашылық көзқарасты талап етеді. Себебі әрбір дайындалған тағам – адамның денсаулығына, көңіл-күйіне және жалпы өмір сапасына тікелей әсер етеді.

Аспазшының басты міндеті – дәмді ғана емес, сонымен қатар пайдалы әрі қауіпсіз тағам әзірлеу. Ол әр тағамға ерекше көңіл бөліп, оны әдемі безендіріп, қонақтардың тәбетін аша білуі қажет. Қазіргі заманда аспаздық тек кәсіби дағды ғана емес, нағыз өнер түріне айналды. Түрлі ұлттық тағамдардан бастап, заманауи ас мәзірін меңгеру – аспазшының кәсібилігін көрсетеді.

Бұл мамандыққа деген сұраныс ешқашан азаймайды, себебі тамақ адам өміріндегі ең басты қажеттіліктердің бірі. Қонақүйлерде, мейрамханаларда, мектептерде, балабақшаларда, ауруханаларда — барлығында аспазшылардың еңбегі жоғары бағаланады. Аспазшы жұмысы арқылы көптеген адамның көңілінен шығып, қуаныш сыйлай алады.

Сондықтан аспаз болу – үлкен мақтаныш. Бұл мамандықты таңдаған жан өз ісін сүйіп, дәм мен эстетиканы үйлестіре білсе, нағыз кәсіпқойға айналады.

Ә.Ғұбашова

ЖИТС-пен күрестің Дүниежүзілік күні 1 желтоқсанда аталып өтетіні баршаға мәлім. Атаулы күннің  мақсаты – халық назарын АИТВ мәселесіне аудару.