Әдебиет

Небір қаламгерлер қанаттанған қасиетті Нарын топырағы қазір де жақсы ақын, еңбекқор жазушы, жүйрік журналистерден кенде емес. Ал оларға жасалар қолдау, артылар сенім, көрсетілер құрмет болып жатса, көпті риза қылар көргенді істің де бірі сол болмағы анық. Міне, осындай бір игілікті іс өткен айдың соңғы ширегінде жүзеге асып, әдебиет сүйер қауымды бір қуантып тастаған жайы бар. Ол – ауданымыздың қос бірдей қаламгері Бектенов Мұрат Бектенұлы мен Есекеш Адайбек Сәдірұлының Қазақстан Жазушылар Одағының мүшелігіне қабылдануы болды.