Қазақстан Республикасы Президентінің 2025 жылғы Жолдауы – елдің әлеуметтік, экономикалық және саяси дамуын жаңа деңгейге көтеруге бағытталған маңызды құжат. Жолдауда қазіргі заман талаптарына сай реформалар ұсынылып, халықтың өмір сүру сапасын жақсартуға бағытталған нақты міндеттер айқындалды. Бұл құжат мемлекет пен қоғамның өзара жауапкершілігін күшейтетін бағдарламалық негіз ретінде бағаланады.
Жолдауда ең басты назар халықтың әл-ауқатын арттыруға аударылған. Президент азаматтардың табысын көбейту, әлеуметтік қолдауды күшейту және еңбек адамының беделін арттыру мәселелерін ерекше атап өтті. Бұл бастамалар қоғамдағы теңсіздікті азайтып, әрбір азаматтың өз мүмкіндігін толық жүзеге асыруына жол ашады. Әсіресе, жастарды жұмыспен қамту және кәсіби білім беру жүйесін жетілдіру – болашаққа салынған маңызды инвестиция деп есептеймін.
Экономикалық даму мәселесі де Жолдауда кеңінен қамтылған. Мемлекет басшысы экономиканы әртараптандыру, өндірісті дамыту және инвестициялық ахуалды жақсарту қажеттігін атап өтті. Бұл Қазақстанның әлемдік экономикадағы орнын нығайтуға мүмкіндік береді. Сонымен қатар, отандық кәсіпкерлікті қолдау және инновациялық жобаларды іске асыру – ел экономикасының тұрақты дамуына ықпал ететін маңызды факторлар.
Жолдауда мемлекеттік басқару жүйесін жаңғырту және заң үстемдігін қамтамасыз ету мәселелері де маңызды орын алды. Ашық әрі тиімді мемлекеттік аппарат құру – халықтың билікке деген сенімін арттырады. Президенттің әділетті қоғам құру жөніндегі бастамалары еліміздің демократиялық дамуына серпін береді деп ойлаймын.
2025 жылғы Жолдау – Қазақстанның болашақ дамуына бағытталған кешенді және өзекті құжат. Онда көтерілген мәселелер елдің тұрақты дамуын қамтамасыз етуге, қоғамның бірлігін нығайтуға және әрбір азаматтың өмір сапасын жақсартуға бағытталған. Бұл Жолдау Қазақстанды өркендеген, бәсекеге қабілетті мемлекетке айналдыру жолындағы маңызды қадам деп санаймын.
С.ІЗБАСАРОВА,
тілші
