Президенттің 2025 жылғы Жолдауын еліміздің алдағы даму бағытын айқындайтын маңызды стратегиялық құжат деп бағалаймын. Бұл Жолдауда мемлекет алдында тұрған негізгі сын-қатерлер мен оларды шешудің нақты жолдары көрсетілді. Әсіресе экономиканы жаңғырту, цифрландыру мен жасанды интеллектті енгізу мәселелеріне ерекше көңіл бөлінуі – қазіргі жаһандық үрдістермен толық үндеседі.
Жолдауда айтылған цифрлық трансформация мен мемлекеттік басқарудың тиімділігін арттыру бастамалары халыққа көрсетілетін қызмет сапасын жақсартуға ықпал етеді деп ойлаймын. Бұл өз кезегінде ашықтықты күшейтіп, азаматтардың мемлекетке деген сенімін арттыруға мүмкіндік береді. Сонымен қатар, шағын және орта бизнесті қолдау, инвестициялық ахуалды жақсарту арқылы экономиканың тұрақты өсуіне негіз қаланатыны байқалады.
Әлеуметтік салаға қатысты көтерілген мәселелер де өте өзекті. Білім беру мен денсаулық сақтау сапасын арттыру, халықтың өмір сүру деңгейін жақсарту – кез келген мемлекеттің басты міндеті. Осы бағыттағы жүйелі реформалар қоғамның дамуына және әлеуметтік әділеттіліктің орнауына оң әсер етеді деп сенемін.
Жалпы алғанда, бұл Жолдау нақты іске бағытталған, уақыт талабына сай әрі болашақты көздейтін құжат болды. Ендігі маңызды мәселе – айтылған бастамалардың сапалы әрі толық орындалуы. Егер белгіленген жоспарлар жүйелі түрде жүзеге асса, Қазақстанның дамуы жаңа деңгейге көтерілетініне сенім мол.
Гаухар ТУЛЕГЕНОВА,
есепші
