23 қыркүйек пен 2 қазан аралығында өтетін оқу-жаттығуға 20-45 жас аралығындағы жүзге жуық азамат қатысуда.
Арнайы тактикалық дайындық «Бригада бөлімшелерін жұмылдыру және жауынгерлік әзірлікті жоғары деңгейге жеткізу, жауынгерлік үйлестіруді ұйымдастыру мен жүргізу, сондай-ақ аса маңызды нысандарды қорғау мен күзету» тақырыбында өтеді.
Шараның негізгі мақсаты – облыс аумағындағы стратегиялық маңызы бар нысандарды қорғау кезінде бригадалық басқарма мен жергілікті әскери басқару органдарының үйлесімді іс-қимылын пысықтап, дайындық деңгейін тексеру.
Ақтілек Базарбаева
