Ерлік – елге мұра, ұрпаққа ұран. Ол - ұлттың рухын асқақтататын, халықтың қайсарлығын оятатын үлкен ұғым. Қай уақытта да қасиетін жоймайтын бабалар ерлігі мамыражай мамыр айы келгенде жаңғыра түсетіні белгілі.
Бұл жолы да аудан орталығында Отан үшін от кешкен боздақтарды бейбіт ұрпақ есіне алды. Екінші дүниежүзілік соғыста қаза болғандарға арналған ескерткіш-обилискіге мекеме, кәсіпорын ұжымдарынан құралған колонналар гүлдестелер қойды. Шарада 14 колоннамен 50-ге жуық мекемеден барлығы 700-ге тарта адам жүріп өтті. Құттықтау сөз сөйлеген аудан әкімінің орынбасары Е.Әбілхасимов жиылғын көпшілікке жылы лебізін білдірді.
Серікбол ПАНАБЕРДИЕВ
