Исатай ауданының әкімі балаларды мерекемен құттықтады

Исатай ауданының әкімі М.Мурзиев әлеуметтік желіде бүгінгі 1-маусым - Халықаралық балаларды қорғау күні мерекесімен құттықтады.

Аудан әкімдігінің әлеуметтік желідегі ресми парақшасында аудан басшысы Марат Мурзиевтің балаларға арналған құттықтау тілегі жарияланды.

«Құрметті балғындар! Қадірлі ата-аналар!

Мерейімізді асырып, жүзімізді жадыратып, көңілімізді көтеретін сәбидің сыңғыр күлкісі екені белгілі. Ата-ана үшін бөбегінің шат күлкісі мен баянды болашағынан қымбат дүние жоқ. Бала - адамның бауыр еті. Балалы үйді базарға теңеген бабалардың сөзі де санамызда.

Бүкіл әлем маусым айының алғашқы күнін балалар мерекесімен қарсы алады. Олардың тыныштығы мен болашағы қорғалатын күн ретінде мерекелейді. Мамыражай тіршіліктің саясында бүр жарып, гүлдеп, өсіп келе жатқан жас исатайлықтар үшін ауданымызда да білім мен тәрбие алуға, үздіксіз дамып, алаңсыз бақытты балалық шақ өткізуіне барлық мүмкіндіктер жасалуда.

Құрметті балауса балғындар!

Сіздерді 1-маусым – Халықаралық балаларды қорғау күнімен шын жүректен құттықтаймын! Еліміздің ертеңі - өздеріңсіңдер! Сіздердің болашақтарыңыз жарқын болып, денсаулықтарыңыз мықты болуын тілеймін. Ата-аналардың үмітін ақтаңыздар!» делінген құттықтауда.

Серікбол ПАНАБЕРДИЕВ

Сурет редакция қорынан алынды

COVID 19

covid

Күнтізбе

шілде 2020
ПВСЧПСВ
12345
6789101112
13141516171819
20212223242526
2728293031

Бейнебаян жаңалығы

Aqprint

Байланыс номерi :     +7 701 666 27 49     +7(7122) 45-85-21