Тұщықұдық ауылдық округіне қарасты Н.Үлкенбайұлы атындағы мәдениет үйінің ұйымдастыруымен «Тәуелсіздік – қасиет тұнған ұлы ұғым» атты мерекелік кеш өтті.
Шектеу жағдайларына байланысты мерекелік кеш көрермендер назарына тікелей эфир арқылы ұсынылды.
Кеш барысында түркі ойлыларының ең мәшһүрі атанған Әбу Насыр Әл-Фарабидің философиялық еңбектері мен ұлы ақын Абай Құнанбаевтың қара сөздері оқылып, Аққыстау халық театрының өнерпаздары қос ғұламаның бейнесін сомдады.
Одан әрі «Көк тудың желбірегені», «Сәлем», «Астана», «Айналдым елім», «Туған өлке», «Кек алма», «Сағыныш» сынды патриоттық әндер орындалды. Сондай-ақ Ж.Мырзағалиев атындағы орта мектептің оқушылары егемендік жайында өлең шумақтарын оқып, мерекелік кешті желі арқылы тамашалаған көрерменге көтеріңкі көңіл күй сыйлады.
Кеш соңында Facebook, Instagram әлеуметтік желілері арқылы көрермендер өздерінің жылы лебіздерін білдіріп, өнер ұжымына шығармашылық табыс тіледі.
Әділбек СЫРЫМОВ
