Исатай аудандық "Жалын" мәдениет үйінде "Ембімұнайгаз" АҚ-ның "Жайықмұнайгаз" өндірістік филиалы ұжымының ҚР Тәуелсіздік күніне арналған мерекелік шарасы өтті.

Шараға акционерлік қоғамның басқарма төрағасы Ә.Жақсыбеков, аудан әкімі М.Мурзиев бастаған ауданның басшылары, басқарма басшылығымен қатар, мұнайшылар мен аудан тұрғындары қатысты.

Шараның ресми бөлімінде бір топ мұнайшылар "Ембімұнайгаз" АҚ-ның Құрмет грамоталарымен, Алғыс хаттарымен, сондай-ақ зейнеткерлік жасқа жеткен, мерейлі жасқа толғандары "Жайықмұнайгаз" мұнай-газ өндіру басқармасы мен кәсіподақ комитетінің марапаттарымен, бағалы байрақтармен марапатталды. Шараның келесі бөлімі жайықтық мұнайшылардың мерекелік-концерттік бағдарламасына ұласты. Мұнайшы өнерпаздардың көңілді концерті көрермендерді тәнті етті.

Серікбол ПАНАБЕРДИЕВ